E matina ambressa

era notte ancora…

nu gatto senza pressa

lésa jeve ‘e bonora

‘ncielo steve ‘a luna

‘o suonno s’era scetato

p’o vico Trone nisciuno

sulo d’o gatto ‘a cammenata.

Réve n’arricietto

chillu jì ‘ndipennente

libero ca ‘mpietto

ije rerevo ‘nnucente.

‘O cammino d’o gatto

te fa penzà

‘e mumente c’accatto

senza fiatà.

‘A corsa veloce

fujenne purtanne

nu portavoce

‘e parole penzieri alluccanne.

Guardate d‘o gatto

‘o carattero ‘o comportamento

facete nu patto

cu vuie stesse, no ‘a stiento.

Ve da maniere

modo ‘ntiento

c’addiventano … aiere…

nu vivere attiento.

Nun secutate ‘o gatto

v’empara chillo

si po’ site stratto

campate ‘e resillo.